បុរសរងគ្រោះដែលរបួសធ្ងន់ឈ្មោះ ហុង អាយុជាង៣០ឆ្នាំ មានទីលំនៅភូមិព្រៃជីសាក់ សង្កាត់ចោមចៅ ។ ចំណែកអ្នករបួសស្រាលពីរនាក់ឈ្មោះ សាយ សុគៀង អាយុ៣៦ឆ្នាំ ជាម្ចាស់យានដ្ឋានជួសជុលរថយន្ត និងក្មេងស្រីម្នាក់ទៀតជាកូនឈ្មោះហេង ពេជ្រម៉ូនីកា អាយុ៣ឆ្នាំ ទាំង២នាក់ម្តាយនិងកូនមានទីលំនៅភូមិព្រៃព្រីខាងជើង សង្កាត់ចោមចៅ ។ ជនរងគ្រោះទាំងបីនាក់ជិះម៉ូតូមួយគ្រឿងម៉ាកវីវ៉ា សេ៊រី២០០៦ ពណ៌ខ្មៅ ពាក់ស្លាកលេខតាកែវ 1A-4848 បើកបរដោយបុរសឈ្មោះ ហុង ដែលរបួសធ្ងន់ ដោយឡែករថយន្តដឹកក្រួសម៉ាកហុីណូ ពណ៌ស្វាយពាក់ស្លាកលេខតាកែវ3A-0457 អ្នកបើកបរបានរត់គេចខ្លួនបាត់ស្រមោល។
តាមប្រភពព័ត៌មានបានឱ្យដឹងថា នៅមុនពេលកើតហេតុម៉ូតូនិងរថយន្តបានបើកក្នុងទិសដៅបញ្ច្រាសគ្នា ដោយម៉ូតូបើកក្នុងទិសដៅពីកើតទៅលិច ហើយពេលទៅដល់ចំណុចកើតហេតុ ម៉ូតូនេះបានបើកវ៉ារថយន្តនៅខាងមុខ ក៏ជ្រុលទៅបុកជាមួយរថយន្តដឹកក្រួសនោះពេញទំហឹងបណ្តាលឱ្យរងរបួសធ្ងន់ និងស្រាលបែបនេះតែម្តង ។
ក្រោយកើតហេតុ ជនរងគ្រោះត្រូវបានគេបញ្ជូនទៅកាន់មន្ទីរពេទ្យដើម្បីសង្គ្រោះ ចំណែកសមត្ថកិច្ចបានទៅដល់កន្លែងកើតហេតុវាស់វែង រួចនាំយករថយន្តនិងមូ៉តូទៅរក្សាទុកនៅអធិការដ្ឋាន រង់ចាំដោះស្រាយគ្នាតាមផ្លូវច្បាប់ ៕
ប្រភពៈ កោះសន្តិភាព
