ថ្ងៃព្រហស្បត្ត៏ ទី២៨ ខែមីនា ឆ្នាំ២០១៣ ម៉ោង ១១:០៣
រាជធានីភ្នំពេញ ៖ បុរសវ័យចំណាស់ម្នាក់ស្រវឹងស្រាជិះម៉ូតូឌុបស្រីក្មេងទៅបុក ម៉ូតូគុបជ្រុង បណ្តាលឱ្យអ្នកបើកម៉ូតូគុបជ្រុងដួលរងរបួសធ្ងន់ ចំណែកបុរសចំណាស់រយះថ្ងាស និងស្ត្រីវ័យក្មេងរបួសជើងត្រូវបុរសម្នាក់ឌុបចេញទៅបាត់ ។ ក្រោយពេលកើតហេតុប្រពន្ធមកជួយដោះស្រាយត្រូវអ្នកឃើញហេតុការណ៍ ប្រាប់ថា បុរសម្នាក់នេះអម្បាញ់មិញឌុបស្រីក្មេងម្នាក់ធ្វើឱ្យ ស្ត្រីជាប្រពន្ធខឹងពេកទប់កំហឹងមិនបានទះមួយកំផ្លៀងនៅមុខសមត្ថ កិច្ចជាការព្រមាន ។
គ្រោះថ្នាក់នេះកើតឡើងនៅចំណុចស្តុបទីក្រុង បៃតង តាមផ្លូវលេខ១៨២កែងផ្លូវលេខ២៦១ ក្នុងសង្កាត់ទឹកល្អក់ទី៣ ខណ្ឌទួលគោក កាលពីវេលាម៉ោង១១និង២០នាទីយប់ថ្ងៃទី២៧ មីនា ២០១៣ ។ សាក្សីឲ្យដឹងថា មុនពេលកើតហេតុបុរសវ័យចំណាស់ម្នាក់នេះ បានជិះម៉ូតូម៉ាកឌ្រីមសេ១២៥ ពណ៌ខ្មៅ ឌុបស្រីក្មេងម្នាក់ តាមផ្លូវលេខ១៨២ ពីកើតទៅលិច ខណៈមកដល់ស្តុបទីក្រុងបៃតងបានបត់ឆ្វេងតាមផ្លូវលេខ២៦១ ទៅបុកម៉ូតូគុបជ្រុង៥០ ពណ៌ស្លែ នោះតែម្តង ៕
កោះសន្តិភាព
មនុស្សឆោឡោនៅកន្លែងកើតហេតុ
