មានមនុស្សជាច្រើនក្មេង ចាស់ ឈរបន្តកន្ទុយគ្នា អ្នកខ្លះស្លៀកពាក់យ៉ាងសង្ហារជាមួយអាវធំ ដូចជាអ្នកមាន អ្នកខ្លះទៀតពាក់អាវយឺតខោខ្លីធម្មតា តែគោលបំណងរបស់ពួកគេ មានតែមួយដូចគ្នាគឺចង់បានការងារធ្វើ។
យោងតាមប្រភពព័ត៌មាន ឌេលីមេល កាលពីម្សិលមិញបានឲ្យដឹងថា មានមនុស្សមិនតិចជា៤,០០០នាក់ទេ ដែលបានដាក់ពាក្យចូលធ្វើការ នៅផ្សារទំនើបថ្មីមួយ ដែលត្រូវការបុក្គលិក ១,០០០នាក់ សំរាប់ធ្វើការក្នុងផ្សារទំនើបរបស់គេ។ មនុស្សជាង៤,០០០នាក់ បានឈរតំរង់ជួរប្រហែល ២ម៉ោងនៅមុខផ្សារមុនពេលដែលផ្សារបើកទ្វា។ ទាំងអស់នេះ បានធ្វើឲ្យនឹកឃើញដល់ ការរអាក់រអួលសេដ្ឋកិច្ចនៃប្រទេស អង់គ្លេស។ អង្គការសំរាប់ការសហការ និងអភិវឌ្ឍន៍សេដ្ឋកិច្ចរបស់អង់គ្លេស មានប្រកាសឲ្យដឹងថា សេដ្ឋកិច្ចរបស់អង់គ្លេសកើនឡើង ០.៥%ក្នុងមួយឆ្នាំ បើគិតពីដើមឆ្នាំ ២០១៣នេះមក។ សេចក្ដីប្រកាសកាលពីខែមុនស្ដីអំពី ថវិកាជាតិសំរាប់ជួយដល់អ្នកអត់ការងារធ្វើ នៅប្រទេសអង់គ្លេសមានប្រមាណ ២.២៥លានដុល្លារ។
រីឯនៅភាគខាងត្បូងនៃប្រទេសវិញ ចំនួនអ្នកអត់ការធ្វើ មានប្រមាណ ៦.៦% បើប្រៀបនឹងមធ្យមភាគនៃប្រជាជនទាំងអស់វិញ ស្មើនឹង ៧.៨%។ តើប្រិយមិត្តយល់បែបណា បើប្រៀបនឹងប្រទេសយើងវិញ?
ខ្មែរឡូត
