ថ្ងៃព្រហស្បត្ត៏ ទី២៨ ខែមីនា ឆ្នាំ២០១៣ ម៉ោង ១០:៥៩
រាជធានីភ្នំពេញ ៖ ពុទ្ធបរិស័ទចំណុះជើងវត្តបាននាំគ្នាផ្អើលទៅមើលពស់ថ្លាន់ញីមួយ ក្បាលដែលផុសចេញពីក្នុងដើមពោធិ៍ ហើយលូនទៅនៅលើសាលាឆាន់វត្តកោះពោធិវង្ស ព្រមទាំងមានបាមរីពស់បានចូលទៅសណ្ឋិតលោកយាយម្នាក់ដែលទៅអុជ ធូបបួងសួងសុំសេចក្តីសុខដោយប្រាប់ពីបារមីពូកែស័ក្តិសិទ្ធរបស់ ពស់ថ្លាន់នេះទៀតផង ។ ហេតុការណ៍នេះបានភ្ញាក់ផ្អើលឡើងកាលពីវេលាម៉ោង១១និង៣០នាទី ថ្ងៃត្រង់ថ្ងៃទី២៧ មីនា នៅក្នុងវត្តកោះពោធិវង្ស ស្ថិតនៅតាមផ្លូវឧកញ៉ាបណ្ឌិត ម៉ុង ឫទ្ធី សង្កាត់ភ្នំពេញថ្មី ខណ្ឌសែនសុខ ។
ព្រះតេជគុណព្រះនាម ហឿម សុវណ្ណារ៉ា ហៅខៃស៊ីង មានសង្ឃដីកាថា វត្តនេះកាលដើមឡើយជាទីទួលកោះមានដើមពោធិ៍មួយដើម និងខ្ទមមួយតែប៉ុណ្ណោះ ដែលគេតែងហៅថា បឹងប៉ាយាប រហូតមកដល់ឆ្នាំ២០០៥ ទើបពុទ្ធបរិស័ទចំណុះជើងវត្តផ្តួចផ្តើមកសាងបានវត្តនេះឡើងមានឈ្មោះថា វត្តកោះពោធិវង្ស។ ប្រភពបានឱ្យដឹងថា កាលពីវេលាម៉ោងខាងលើគេបានប្រទះឃើញពស់ថ្លាន់ញីមួយក្បាលផុសចេញពីដើមពោធិ៍ ហើយលូនឡើងសាលាឆាន់ធ្វើឲ្យមានការភ្ញាក់ផ្អើលដល់ពុទ្ធបរិស័ទ ចំណុះជើងវត្តមកចោមរោមមើលនិងអុជធូបបួងសួងសុំសេចក្តីសុខសប្បាយ ៕
កោះសន្តិភាព
ពស់ថ្លាន់ញីដែលវាលចូលវត្ត
