ប្រព័ន្ធផ្សព្វផ្សាយរដ្ឋបានរាយការណ៍ថា កូរ៉េខាងជើងកំពុងដាក់កាំភ្លើងធំនិងកងកាំជ្រួចយុទ្ធសាស្ត្រ ក្នុងស្ថានភាពប្រុងប្រៀបប្រយុទ្ធកាលពីថ្ងៃអង្គារ ជាមួយនឹងបញ្ជាអោយត្រៀមវាយប្រហារលើដីគោកអាមេរិក កោះហាវ៉ៃនិងកោះហ្គួម។ ហាវ៉ៃនិងហ្គួមក៏នឹងនៅក្រៅរង្វង់នៃកាំជ្រួចចម្ងាយមធ្យមរបស់ កូរ៉េខាងជើង ដែលអាចត្រឹមវាយប្រហារមូលដ្ឋានទ័ពអាមេរិកនៅកូរ៉េខាងត្បូងនិងជប៉ុន សេចក្តីថ្លែងការណ៍មួយចេញពីបញ្ជាការជាន់ខ្ពស់នៃយោធាប្រជាជនកូរ៉េ បានបញ្ជាអោយ"ទាហានទាំងអស់រួមទាំងកងកាំជ្រួចយុទ្ធសាស្ត្រនិង កាំភ្លើងធំចម្ងាយឆ្ងាយស្ថិតក្នុងស្ថានភាពត្រៀមខ្លួនកំរិតA"។ សេចក្តីថ្លែងការណ៍ដែលចេញដោយទីភ្នាក់ងារសារព័ត៌មានកណ្តាលកូរ៉េបាន និយាយថា"កងឯកភាពទ័ពគួរត្រៀមវាយប្រហារមូលដ្ឋានទ័ពអាមេរិកទាំងអស់ នៅតំបន់អាស៊ីប៉ាស៊ីហ្វិក រួមមានដីគោកអាមេរិក កោះហាវ៉ៃនិងហ្គួម ព្រមទាំងកូរ៉េខាងត្បូង"។ ទោះជាកូរ៉េខាងជើងបានសាកល្បង កាំជ្រួចបានជោគជ័យកាលពីខែធ្នូ ក៏អ្នកជំនាញការជាច្រើនជឿថាកូរ៉េខាងជើងនៅសល់ពេលរាប់ឆ្នាំទៀតទើប អាចផលិតកាំជ្រួចឆ្លងទ្វីបពិតដែលអាចវាយប្រហារទ្វីបអាមេរិក។ ហាវ៉ៃនិងហ្គួមក៏នឹងនៅក្រៅរង្វង់នៃកាំជ្រួចចម្ងាយមធ្យមរបស់ កូរ៉េខាងជើង ដែលអាចត្រឹមវាយប្រហារមូលដ្ឋានទ័ពអាមេរិកនៅកូរ៉េខាងត្បូងនិងជប៉ុន ។ ការប្រកាសរបស់បញ្ជាការជាន់ខ្ពស់នេះបានកើតឡើងតែ ប៉ុន្មានថ្ងៃបន្ទាប់ពីយោធាកូរ៉េខាងត្បូងនិងអាមេរិកចុះហត្ថលេខាលើ សន្ធិសញ្ញាមួយ ដែលអាមេរិកធានាផ្តល់ការឆ្លើយតបយោធារួមសូម្បីតែកូរ៉េខាងជើងបង្ករឿង កំរិតតូចតាចក្តី។ កិច្ចព្រមព្រៀងដែលមានបច្ចុប្បន្នផ្តល់ អោយអាមេរិកចូលពាក់ព័ន្ធនៅក្នុងករណីមានជម្លោះពេលទំហឹងមួយ តែសន្ធិសញ្ញាថ្មីនេះបញ្ជាក់អំពីការឆ្លើយតបចំពោះការបង្ករឿងមាន កំរិតណាមួយដូចជាការបាញ់ផ្លោងកាត់ព្រំដែនក្នុងឧបទ្ទវហេតុដាច់តែឯង ណាមួយ។ វាធានាការគាំទ្ររបស់អាមេរិកចំពោះការសងសឹករបស់ កូរ៉េខាងត្បូងណាមួយនិងអនុញ្ញាតអោយរដ្ឋាភិបាលក្រុងសេអ៊ូលស្នើកង កម្លាំងយោធាអាមេរិកបន្ថែមក្នុងករណីដែលខ្លួនគិតថាចាំបាច់។ កូរ៉េខាងជើងបានបាញ់ផ្លោងដាក់កោះជាប់ព្រំដែនរបស់កូរ៉េខាងត្បូងមួយ កាលពីខែវិច្ឆិកាឆ្នាំ២០១០ ដោយបានសម្លាប់មនុស្ស៤នាក់៕
