កូរ៉េ(BBC) : កូរ៉េខាងជើងបាននិយាយថា ខ្លួននឹងប្រកាសដាក់ប្រទេសជាតិក្នុងគ្រាមានសង្គ្រាម ជាមួយកូរ៉េខាងត្បូង ខណៈដែលមានស្ថានការណ៍តានតឹងថ្មីមួយ ជាមួយកូរ៉េខាងត្បូង និងអាមេរិក។
បើតាមសេចក្តីថ្លែងការណ៍មួយ ដែលកូរ៉េខាងជើង ចេញផ្សាយកាលពីថ្ងៃសៅរ៍ បាននិយាយថា” ចាប់ពីពេលនេះតទៅ ទំនាកទំនងរវាងកូរ៉េខាងជើង និងខាងត្បូង នឹងឈានចូលឋានៈសង្គ្រាមរវាងរដ្ឋ និងរដ្ឋ ហើយរាល់បញ្ហារវាងកូរ៉េខាងជើង និងខាងត្បូង នឹងដោះស្រាយ រវាងរដ្ឋទាំងពីរ។ ស្ថានការណ៍នៅឧបទ្វីបកូរ៉េ ទីបំផុត បានឈានដល់ដំណាក់កាលសង្គ្រាម”។
កូរ៉េខាងជើង បានធ្វើការគំរាមកំហែងជាច្រើនដង ចំពោះអាមេរិក និងកូរ៉េខាងត្បូង ក្នុងរយៈពេលជាច្រើនសប្តាហ៍ថ្មីៗនេះ ក្នុងនោះ រួមទាំងការគំរាមកំហែងប្រើអាវុធនុយក្លេអ៊ែរ អាមេរិក និងការធ្វើសង្គ្រាម នៅកូរ៉េ ។
កាលពីថ្ងៃព្រហស្បតិ៍ បណ្តាញទូរទស្សន៍ជាតិកូរ៉េខាងជើង បានរាយការណ៍ដោយស្រង់សម្តីរបស់លោកគីម ជុងអ៊ុន បាននិយាយថា “ពេលវេលាកាត់ក្តី មកដល់ហើយ ដែលយើងត្រូវដោះស្រាយបញ្ហាមួយចំនួនជាមួយចក្រព័ត្តិនិយមអាមេរិក”។
សេចក្តីថ្លែងការណ៍តាមទូរទស្សន៍ជាតិកូរ៉េខាងជើង ៖ចាប់ពីពេលនេះតទៅ ទំនាកទំនងរវាងកូរ៉េខាងជើង និងខាងត្បូង នឹងឈានចូលឋានៈសង្គ្រាមរវាងរដ្ឋ និងរដ្ឋ
មេដឹកនាំកូរ៉េខាងជើងរូបនេះ បានថ្កោលទោសយន្តហោះB-2 បានហោះហើរនៅកូរ៉េខាងត្បូង ក្នុងអំឡុងពេលធ្វើសមយុទ្ធយោធា ថា ជាដំណាក់កាលឆ្កួតលេលា ដែលវានឹងក្លាយជាឆ្នួនដុតបញ្ឆេះ សង្គ្រាមនុយក្លេអ៊ែរ នៅឧបទ្វីបកូរ៉េ”។
បណ្តាញទូរទស្សន៍រដ្ឋ ក៏បានបង្ហាញពីកងទ័ព និងក្រុមនិស្សិតរាប់ពាន់នាក់ ប្រមូលផ្តុំគ្នា នៅទីក្រុងព្យុងយ៉ាង គាំទ្រសេចក្តីថ្លែងការណ៍លោកគីម ជុងអ៊ុន ផងដែរ។
គោលដៅវាយប្រហារសំខាន់ៗ មានដែនដីអាមេរិក និងមូលដ្ឋានយោធា នៅកោះហាវ៉ៃ កោះហ្គួម និងកូរ៉េខាងត្បូង។ កាំជ្រួចផ្លោងរបស់កូរ៉េខាងជើង ត្រូវគេជឿថា មានវង់ប្រតិបត្តិការវាយប្រហារដល់រដ្ឋអាឡាស្កា។
កាលពីថ្ងៃពុធ ក្រុងព្យុងយ៉ាង បានកាត់ផ្តាច់ខ្សែទូរស័ព្ទទំនាក់ទំនងបន្ទាន់ ជាមួយកូរ៉េខាងត្បូង ដែលជាខ្សែទូរស័ព្ទចុងក្រោយភ្ជាប់ទំនាក់ទំនងរវាងប្រជាជាតិទាំងពីរ។
ខ្សែទូរស័ព្ទទំនាក់ទំនងកាកបាទក្រហម និងមួយខ្សែទៀត សម្រាប់ទំនាក់ទំនងជាមួយ មេបញ្ជាការសហប្រជាជាតិ នៅភូមិប៉ានមុនចុម ត្រូវបានកាត់ផ្តាច់រួចមកហើយ ទោះជាយ៉ាងណា ទូរស័ព្ទទំនាក់ទំនងចរាចរអាកាសចរណ៍អន្តរជាតិ នៅមាននៅឡើយ។
លោកចូស អឺរណេសថ៍ (Josh Earnest) អ្នកនាំពាក្យសេតវិមាន បាននិយាយថា ស្ថានភាពតានតឹងនេះ កាន់តែធ្វើឱ្យកូរ៉េឯកោថែមទៀត។
ដោយឡែក លោកហុង ឡី អ្នកនាំពាក្យក្រសួងការបរទេសចិន បាននិយាយថា ការប្រឹងប្រែងរួមគ្នា នឹងជួយសម្រាលភាពតានតឹងនេះបាន។
លោកគ្រីហ្គោរី ឡុកវីណូវ (Grigory Logvinov) រដ្ឋមន្ត្រីការបរទេសរូស្ស៊ី បានប្រាប់ទីភ្នាក់ងារព(ត៌មានរុស្ស៊ី Interfax ថា” យើងរំពឹងថា ភាគីទាំងអស់ និងបង្ហាញនូវការទទួលខុសត្រូវខ្ពស់ និងអត់ធ្មត់”។
ខណៈដែលប្រជាជនកូរ៉េខាងត្បូងជាច្រើន បាននិយាយថា ពួកគាត់សង្ឃឹមថា ភាគីទាំងពីរអាចសម្របសម្រួលគ្នាបាន ព្រោះជាជនរួមជាតិសាច់ឈាមកូរ៉េដូចគ្នា៕
វង់ប្រតិបត្តិការវាយប្រហារកាំជ្រួចផ្លោងកូរ៉េខាងជើង
ប្រភពៈ អង្គរធំមេឌែ
