ប្រធានាធិបតីអាមេរិក លោកបារ៉ាក់អូបាម៉ាគូសបញ្ជាក់កាលពីថ្ងៃទី២៨ មីនាថា ពលរដ្ឋអាមេរិកពុំត្រូវបំភ្លេចការសម្លាប់រង្គាលនៅឯសាលារៀន មួយនៃក្រុងញូវថោនកាលពីខែធ្នូ ឆ្នាំ២០១២ឡើយ ហើយត្រូវធ្វើការគាបសង្កត់លើបណ្តាសមាជិកសភាពេលដែលគម្រោងកែ ទម្រង់ច្បាប់ស្តីពីអាវុុធត្រូវដាក់ឱ្យសភាអនុម័ត ។ប្រធា នាធិបតីអាមេរិកបានទទួលនារី២១នាក់ ដែលសុទ្ធតែជាអ្នកបាត់បង់កូន ឬសាច់ញាតិក្នុងការបាញ់ប្រហារនានា ក្នុងនោះមានការបាញ់ប្រហារនៅសាកលវិទ្យាល័យ VIRGINIA TECH កាលពីឆ្នាំ២០០៧ បណ្តាលឱ្យនិស្សិតស្លាប់៣២នាក់ និងការវាយប្រហារនៅសាលា SANDY HOOK រដ្ឋខេននេកធីខត កាលពីថ្ងៃទី១៤ធ្នូ ឆ្នាំ២០១២ ។ លោកបានលើកសំណួរដោយសំដីខឹងថា ហេតុអីបានជាគេមិនព្រមបង្កការលំបាកកាន់តែខ្លាំងចំពោះការ ទិញកាំភ្លើងខ្លី១ដើមដោយមនុស្សប្រកបដោយគ្រោះថ្នាក់ម្នាក់ ?
ការ ហាមឃាត់ផលិត និងលក់កាំភ្លើងវាយលុកថ្មីៗ ប្រភេទដូចជា កាំភ្លើងពាក់កណ្តាលស្វ័យប្រវត្តិដែលបុរសឈ្មោះ ADAM LAN-ZA ប្រើបាញ់សម្លាប់រយៈពេលតែ៥នាទីនូវកុមារ២០នាក់ និងមនុស្សពេញវ័យ៦នាក់នៅក្រុងញូវថោនបានត្រូវបរាជ័យ ទោះនៅក្នុងព្រឹទ្ធសភាដែលត្រួតត្រាដោយគណបក្សប្រជាធិបតេយ្យ៕
ប្រភពៈ Everyday
