ទិដ្ឋភាពនៅកន្លែងកើតហេតុ
រាជធានីភ្នំពេញ ៖ ស្រ្តី៣នាក់ជិះម៉ូតូវ៉ារថយន្តនៅលើស្ពានធ្វើឲ្យរថយន្តកាមរីឆ្លាមបើក ចុះពីលើស្ពានបុកពេញទំហឹង បណ្តាលឱ្យ ដួលរងរបួសធ្ងន់ទាំង៣នាក់ ត្រូវបានគេបញ្ជូនទៅព្យាបាលនៅមន្ទីរពេទ្យកាល់ម៉ែត ។ គ្រោះថ្នាក់នេះកើតឡើងនៅចំណុចលើស្ពាន ជ្រោយចង្វាត្រើយខាងលិច ក្នុងសង្កាត់ស្រះចក ខណ្ឌដូនពេញ កាលពីវេលាម៉ោង១និង៥នាទីរំលងអធ្រាត្រឈានចូលថ្ងៃទី១ មេសា ២០១៣ ។
សាក្សីឃើញហេតុការណ៍បានឲ្យដឹងថា ស្រ្តី៣នាក់ជិះម៉ូតូសេ១២៥ ពណ៌ខ្មៅ ឆ្លងស្ពានជ្រោយចង្វាពីលិចទៅកើត ចំណែករថយន្ត កាមរីឆ្លាម ពណ៌ខ្មៅ ជិះគ្នា៣នាក់ ជាបុរសបើកចុះពីលើស្ពានពីកើតទៅលិច ក្នុងទិសដៅបញ្រ្ចាសគ្នា ខណៈមកដល់ចំណុច ខាង លើ ស្រ្តីទាំង៣នាក់ស្រវឹងផងបានជិះម៉ូតូវ៉ារថ យន្តមួយគ្រឿងហៀរចូលទៅគំនូសខាងរថយន្តកាមរីឆ្លាម បើកចុះពីលើស្ពានមក ដល់បុកពេញទំហឹង បណ្តាលឲ្យរងរបួសបាក់ជើងទាំង៣នាក់ ចំណែករថយន្តបែកកញ្ចក់ខាងមុខ និងខូចខាតផ្នែកខាងមុខ រីឯម៉ូតូខូចមួយកំណាត់ខាងមុខ ។
ក្រោយពេលកើតហេតុស្រ្តីទាំង៣នាក់ត្រូវបាន រថយន្តសង្គ្រោះដឹកយកទៅព្យាបាលនៅមន្ទីរពេទ្យកាល់ម៉ែត។ ម៉ូតូ និងរថយន្តត្រូវ សមត្ថកិច្ចយកទៅរក្សាទុកនៅការិយាល័យនគរបាលចរាចរក្រុង ៕
ប្រភពៈ កោះសន្តិភាព
