ផ្ទះប្រជាពលរដ្ឋដែលរងគ្រោះដោយសារខ្យល់ព្យុះ
ខេត្តបន្ទាយមានជ័យ ៖ នៅវេលាម៉ោង៣និង១៥នាទីរសៀលថ្ងៃទី២៥ មីនា ២០១៣ ស្រុកថ្មពួក ត្រូវរងគ្រោះដោយសារខ្យល់ដ៏អាក្រក់បានបោកបក់ជាលើកទី២ បណ្តាលឱ្យខូចខាតលំនៅឋានរបស់ប្រជាពលរដ្ឋ៤ឃុំ គឺឃុំគំរូ ឃុំភូមិថ្មី ឃុំគោករមៀត និងឃុំថ្មពួក សរុបចំនួន៥២ខ្នង សាលារៀន៤ខ្នង របួសមនុស្សម្នាក់បែកក្បាល ។
យោងតាមរបាយការណ៍របស់អធិការនគរបាលស្រុកថ្មពួក បានឱ្យដឹងថា ផ្ទះប្រជាពលរដ្ឋដែលរងនូវការខូចខាតនេះឃុំភូមិថ្មី មាន២ភូមិ គឺភូមិកាប់ចោរ និងភូមិគោកស្វាយ សរុបចំនួន៤ខ្នង របើកដំបូល ឃុំគំរូ មានភូមិឯកភាព ភូមិគំរូ ភូមិអណ្តូងខ្លុង និងភូមិផ្សារថ្មី សរុប៣៦ខ្នង របើកដំបូល៣០ខ្នង និងធ្លាក់ពីលើជើងតម្កល់៦ខ្នង មានសាលារៀន២អគាររបើកដំបូល ។ ឃុំថ្មពួក មាន២ភូមិ គឺភូមិកសិណ និងភូមិថ្មពួក របើកដំបូលសរុប៨ខ្នង ក្នុងនោះផ្ទះ៤ខ្នង សាលារៀន២ខ្នង និងរន្ទះបាញ់កាំជណ្តើរខូច១ និងឃុំគោករមៀត មានភូមិស្រែល្អរបើកដំបូល១១ខ្នង ធ្លាក់ពីលើជើងតម្កល់១ខ្នង សរុបទាំងអស់ផ្ទះចំនួន៥២ខ្នង ខូចខាតធ្ងន់៧ខ្នង សាលារៀន៤ខ្នង ៕
កោះសន្តិភាព
