កុមាររងគ្រោះទាំង៣
ខេត្តបន្ទាយមានជ័យ ៖ ក្មេងប្រុស៣នាក់ បានស្លាប់ បន្ទាប់ពីពួកគេនាំគ្នាចុះងូតទឹកស្រះវត្តបឹងស្នោ បណ្តាលឱ្យលង់ស្លាប់ ។ ហេតុការណ៍នេះបង្កឱ្យមានការភាពភ្ញាក់ផ្អើល កាលពីវេលាម៉ោង៥និង៥០នាទីល្ងាចថ្ងៃទី២៤ មីនា ២០១៣ នៅក្នុងបរិវេណវត្តបឹងស្នោ ក្នុងភូមិសាស្ត្រភូមិបឹងស្នោ ឃុំស្លក្រាម ស្រុកស្វាយចេក បន្ទាប់ពីឃើញក្មេងប្រុសចំនួន៣នាក់ បានលង់ទឹកស្លាប់ដែលក្នុងចំណោមនោះមាន២នាក់ត្រូវជាបងប្អូនបង្កើ តនឹងគ្នាបានស្លាប់ក្នុងហេតុការណ៍ខាងលើ ។
ប្រភពព័ត៌មានពីលោកនាយប៉ុស្តិ៍រដ្ឋបាលឃុំ ស្លក្រាម បានឱ្យដឹងថា ក្មេងប្រុសរងគ្រោះទាំង៣នាក់ ដោយ២នាក់ជាបងប្អូនបង្កើតនឹងគ្នា និងក្មេងរងគ្រោះម្នាក់ទៀតជាអ្នកជិតខាងមាន ១-ឈ្មោះប៉ាក់ ដិការ អាយុ៨ឆ្នាំ ២-ឈ្មោះប៉ាក់ ថាវី អាយុ៧ឆ្នាំ ក្មេងទាំង២នាក់ជាបងប្អូនបង្កើត ឪពុកឈ្មោះឆេង ថារី អាយុ៤៦ឆ្នាំ ម្តាយឈ្មោះអៀង ស្រីនី អាយុ៣២ឆ្នាំ និង៣-ឈ្មោះយូ កក្កដា អាយុ១២ឆ្នាំ មានឪពុកឈ្មោះយូ យ៉ែន អាយុ៣២ឆ្នាំ និងម្តាយឈ្មោះគឹម នួន អាយុ៣២ឆ្នាំ គ្រួសារក្មេងរងគ្រោះទាំងនេះរស់នៅភូមិ-ឃុំកើតហេតុខាងលើ ៕
កោះសន្តិភាព
