រាជធានីភ្នំពេញ ៖ វេជ្ជបណ្ឌិតម្នាក់ត្រូវក្រុមចោរចំនួន២នាក់ប្រដាប់ដោយ អាវុធខ្លីមួយដើម ធ្វើសកម្មភាពបាញ់ប្លន់នៅមុខផ្ទះយកប្រាក់ចំនួន១៥.៥០០ ដុល្លារ កាលពីវេលាម៉ោងប្រមាណ៩និង៣០នាទីព្រឹកថ្ងៃទី២៥ មីនា នៅខាងជើងផ្សារទួលគោក មុខផ្ទះលេខ៣១ ផ្លូវលេខ៥៨២ សង្កាត់បឹងកក់ទី២ ខណ្ឌទួលគោក ។ ក្នុងសកម្មភាពប្លន់នេះក្រុមចោរបានបាញ់១គ្រាប់ត្រូវជនរងគ្រោះ ចំពោះផ្នែកខាងឆ្វេង ធ្លាយមកត្រគាកខាងឆ្វេង ហើយត្រូវបានបញ្ជូនទៅកាន់មន្ទីរពេទ្យកាល់ម៉ែត ដើម្បីសង្គ្រោះ ចំណែកក្រុមចោរប្លន់បានគេចខ្លួនបាត់ស្រមោលភ្លាមៗនោះដែរ ។
លោកវេជ្ជបណ្ឌិតដែលត្រូវចោរប្លន់នេះ ឈ្មោះស៊ុត ថងផាន់ អាយុ៤២ឆ្នាំ ជាមន្ត្រីការិយាល័យបច្ចេកទេសនៃជំងឺគ្រុនចាញ់នៅមជ្ឈមណ្ឌលជាតិ ប្រយុទ្ធប្រឆាំងនឹងជំងឺគ្រុនចាញ់ ស្នាក់នៅផ្ទះលេខ៣១ ផ្លូវលេខ៥៨២ សង្កាត់បឹងកក់ទី២ ខណ្ឌទួលគោកដែលជាកន្លែងកើតហេតុខាងលើ។ មន្ត្រីប៉ូលិសបានឱ្យដឹងថា ក្រុមចោរប្លន់ជិះម៉ូតូមួយគ្រឿងម៉ាកស្មាសវី ពណ៌ខ្មៅ ពុំច្បាស់ស៊េរី និងស្លាកលេខ ប្រដាប់ដោយកាំភ្លើងខ្លីមួយដើមបានធ្វើសកម្មភាពភ្ជង់ប្លន់ លោកវេជ្ជបណ្ឌិតនៅពេលលោកជិះរថយន្តម៉ាកកាមរីហាយប្រ៊ីត ស៊េរី២០០៧ ពណ៌ទឹកប្រាក់ គ្មានពាក់ស្លាកលេខដែលទើបតែទិញមកឈប់មុខផ្ទះ ។
លោកវេជ្ជបណ្ឌិតដែលត្រូវចោរប្លន់នេះ ឈ្មោះស៊ុត ថងផាន់ អាយុ៤២ឆ្នាំ ជាមន្ត្រីការិយាល័យបច្ចេកទេសនៃជំងឺគ្រុនចាញ់នៅមជ្ឈមណ្ឌលជាតិ ប្រយុទ្ធប្រឆាំងនឹងជំងឺគ្រុនចាញ់ ស្នាក់នៅផ្ទះលេខ៣១ ផ្លូវលេខ៥៨២ សង្កាត់បឹងកក់ទី២ ខណ្ឌទួលគោកដែលជាកន្លែងកើតហេតុខាងលើ។ មន្ត្រីប៉ូលិសបានឱ្យដឹងថា ក្រុមចោរប្លន់ជិះម៉ូតូមួយគ្រឿងម៉ាកស្មាសវី ពណ៌ខ្មៅ ពុំច្បាស់ស៊េរី និងស្លាកលេខ ប្រដាប់ដោយកាំភ្លើងខ្លីមួយដើមបានធ្វើសកម្មភាពភ្ជង់ប្លន់ លោកវេជ្ជបណ្ឌិតនៅពេលលោកជិះរថយន្តម៉ាកកាមរីហាយប្រ៊ីត ស៊េរី២០០៧ ពណ៌ទឹកប្រាក់ គ្មានពាក់ស្លាកលេខដែលទើបតែទិញមកឈប់មុខផ្ទះ ។
តាមប្រភពព័ត៌មានឱ្យដឹងថា ប្រាក់ដែលចោរប្លន់យកទៅនោះមានចំនួន១៥.៥០០ដុល្លារដែលលោក វេជ្ជបណ្ឌិតប្រុងយកទៅប្រគល់ឱ្យថ្លៃរថយន្តបង្គ្រប់ ។ តាមសាក្សីនៅកន្លែងកើតហេតុឱ្យដឹងថា នៅព្រឹកថ្ងៃកើតហេតុ គេឃើញលោកវេជ្ជបណ្ឌិតបើករថយន្តដែលទើបទិញនោះទៅឱ្យព្រះ សង្ឃប្រោះព្រំទឹកមន្តហើយកាលពីល្ងាច លុះពេលព្រឹកឡើងបើកមកឈប់នៅមុខផ្ទះ ។ នៅពេលចុះពីរថយន្តស្រាប់តែមានជនមិនស្គាល់មុខចំនួន២នាក់ជិះ ម៉ូតូមកឈប់ក្បែរ ភ្លាមៗនោះជនម្នាក់ដែលជិះខាងក្រោយបានលោតចុះពីលើម៉ូតូរួចដក កាំភ្លើងខ្លីភ្ជង់គំរាមយកប្រាក់ និងម្នាក់ទៀតក៏បានចុះពីលើម៉ូតូមកឈរក្បែរដែរ ។
តាមសាក្សីបានឱ្យដឹងទៀតថា នៅពេលចោរភ្ជង់ គេឃើញលោកវេជ្ជបណ្ឌិតរត់គេចហើយត្រូវចោរបាញ់១គ្រាប់ត្រូវចំ ពោះបណ្តាលឱ្យដួលនៅមុខផ្ទះលេខ៣៣ ដែលជាផ្ទះរបស់គាត់ជួលឱ្យគេស្នាក់នៅ ។ បន្ទាប់ពីបាញ់ត្រូវដួល ជនម្នាក់ដែលជាអ្នកបើកម៉ូតូបានស្ទុះទៅលូកហោបៅ៉ខោខាងឆ្វេង របស់លោកវេជ្ជបណ្ឌិតយកប្រាក់មួយបាច់ហើយនាំគ្នាឡើងជិះម៉ូតូ គេចខ្លួនទៅទិសខាងលិចបាត់ស្រមោល ។
តាមប្រភពព័ត៌មានឱ្យ ដឹងទៀតថា លោកវេជ្ជបណ្ឌិតស៊ុត ថងផាន់ បានទិញរថយន្តម៉ាកកាមរីហាយប្រ៊ីតស៊េរី២០០៧ ពណ៌ទឹកប្រាក់មួយគ្រឿងពីមិត្តភក្តិក្នុងតម្លៃជាង២ម៉ឺនដុល្លារ កាលពីល្ងាចថ្ងៃទី២៤ មីនា ហើយបានប្រោះព្រំរថយន្តនេះទៅតាមជំនឿព្រះពុទ្ធសាសនា ។ លុះដល់ព្រឹកថ្ងៃកើតហេតុបានយកប្រាក់ចំនួន១៥.៥០០ដុល្លារទៅ សងមិត្តភក្តិបង្គ្រប់ថ្លៃរថយន្ត ។
តាមប្រភពព័ត៌មានឱ្យ ដឹងទៀតថា លោកវេជ្ជបណ្ឌិតស៊ុត ថងផាន់ បានទិញរថយន្តម៉ាកកាមរីហាយប្រ៊ីតស៊េរី២០០៧ ពណ៌ទឹកប្រាក់មួយគ្រឿងពីមិត្តភក្តិក្នុងតម្លៃជាង២ម៉ឺនដុល្លារ កាលពីល្ងាចថ្ងៃទី២៤ មីនា ហើយបានប្រោះព្រំរថយន្តនេះទៅតាមជំនឿព្រះពុទ្ធសាសនា ។ លុះដល់ព្រឹកថ្ងៃកើតហេតុបានយកប្រាក់ចំនួន១៥.៥០០ដុល្លារទៅ សងមិត្តភក្តិបង្គ្រប់ថ្លៃរថយន្ត ។
នៅព្រឹកនោះមុនពេលកើតហេតុ លោកវេជ្ជបណ្ឌិតបានបើករថយន្តមួយគ្រឿងនេះ ដឹកប្រពន្ធនិងកូនប្រុសដើម្បីយកប្រាក់ទៅប្រគល់ឱ្យថ្លៃទិញរថយន្ត ហើយបានជូនកូនទៅរៀននៅសាកលវិទ្យាល័យភូមិន្ទវិចិត្រសិល្បៈ រួចហើយជូនប្រពន្ធទៅមន្ទីរពេទ្យរបេង ទើបត្រឡប់យកប្រាក់ទៅប្រគល់ឱ្យថ្លៃរថយន្ត ។ ដោយសារភ្លេចអាយផេតនៅផ្ទះ លោកវេជ្ជបណ្ឌិតក៏បើករថយន្តត្រឡប់មកផ្ទះវិញ ។ ពេលមកដល់មុខផ្ទះឈប់រថយន្តរួច បានបើកទ្វាររថយន្តចុះ ភ្លាមៗនោះស្រាប់តែមានជនពីរនាក់ជិះម៉ូតូមកដល់ឈប់ពីក្រោយ រថយន្ត ហើយធ្វើសកម្មភាពភ្ជង់បាញ់ប្លន់យកប្រាក់រួចក៏គេចខ្លួន បាត់។ ភ្លាមៗនោះលោកវេជ្ជបណ្ឌិតត្រូវបានបងប្អូនបញ្ជូនទៅកាន់ មន្ទីរពេទ្យកាល់ម៉ែត ក្រោយមកទើបធ្វើឱ្យមានការភ្ញាក់ផ្អើលឡើង ។
ទាក់ទិននឹងអំពើប្លន់នេះមិនទាន់មានការ សន្និដ្ឋានណាមួយពីមន្ត្រីមានសមត្ថកិច្ចថាបែបណាទេ តែសកម្មភាពរបស់ក្រុមចោរទាំងនេះហាក់ដូចជាដឹងថា លោកវេជ្ជបណ្ឌិតមានប្រាក់រាប់ម៉ឺនដុល្លារជាប់ខ្លួនទើបតាមប្លន់ បែបនេះ ។ លុះពេលបាញ់ឱ្យរបួសហើយ ចោរបានលូកហោប៉ៅយកលុយហាក់ដូចជាដឹងមុន ។ ទោះបីជាបែបណា ពេលនេះសមត្ថកិច្ចកំពុងដុតដៃដុតជើងស្រាវជ្រាវពីករណីនេះ ។
គួរ បញ្ជាក់ថា សកម្មភាពប្លន់នៅក្នុងរាជធានីភ្នំពេញបានកើតឡើងជាបន្តបន្ទាប់ដែល ធ្វើឱ្យប្រជាពលរដ្ឋកាន់តែមានការព្រួយបារម្ភពីសុវត្ថិភាព ៕
គួរ បញ្ជាក់ថា សកម្មភាពប្លន់នៅក្នុងរាជធានីភ្នំពេញបានកើតឡើងជាបន្តបន្ទាប់ដែល ធ្វើឱ្យប្រជាពលរដ្ឋកាន់តែមានការព្រួយបារម្ភពីសុវត្ថិភាព ៕
ប្រភពៈ កោះសន្តិភាព
