កាលពីពេលថ្មីៗនេះក្រុមហ៊ុន Sony បានធ្វើការដាក់បង្ហាញនូវម៉ូដែលទូរស័ព្ទចុងក្រោយរបស់ខ្លួន ដែលមានឈ្មោះថា Xperia SP។ ទូរស័ព្ទនេះជាប្រភេទទូរស័ព្ទស្ថិតនៅក្នុងកំរិតកណ្តាល (mid-range) បើធៀបនឹងទូរស័ព្ទដទៃ គឺវាមិនទំនើបពេក ហើយក៏មិនអន់ពេកដែរ គឺអាចទទួលយកបាន ដែល Xperia SP នេះដំណើរការដោយប្រព័ន្ធប្រតិបត្តិការ Android 4.1 Jelly Bean ជាមួយនឹងអេក្រង់ទំហំ 4.6-inch Bravia Engine 2 LCD និងប្រើប្រាស់ Qualcomm Snapdragon MSM8960Pro chipset។ ចំនែករូបរាងវិញ Xperia SP មានទំហំ 130.6 x 67.1 x 9.98mm មានទំងន់ 155g និងមានថ្មទំហំ 2370 mAh ហើយអ្វីដែលពិសេសនោះគឺនៅក្រោមទូរស័ព្ទមានភ្លើង Flash ជាច្រើនពណ៌ ដែលផ្លាស់ប្តូររៀងរាល់ពេលមានគេទូរស័ព្ទមក។
