ប្រទះឃើញ សពស្ដ្រីម្នាក់ ក្នុងបឹង កំបោ្លក នៅសង្កាត់ព្រៃស

ភ្នំពេញ ៖ សពស្ដ្រីម្នាក់ មិនទាន់ស្គាល់ អត្ដសញ្ញាណ ត្រូវបានអ្នករកត្រីប្រទះឃើញ នៅក្នុងបឹងកំបោ្លក នៅវេលាម៉ោងប្រមាណ ១ និង៣០នាទីរសៀល ថ្ងៃទី២៥ ខែមីនា ឆ្នាំ២០១៣ នេះ ស្ថិតក្នុងភូមិប្រការ សង្កាត់ ព្រៃស ខណ្ឌដង្កោ ។

មន្ដ្រីនគរបាលមូលដ្ឋាន បានឱ្យដឹងថា មុនពេលកើតហេតុ អ្នករកត្រីនៅក្នុងបឹង ចំនួន ២នាក់ កំពុងតែរកត្រី និងវែកកំបោ្លក ស្រាប់តែប៉ះសក់ស្ដ្រីរងគ្រោះ ធ្វើឱ្យមានការ ភ័យតក់ស្លុត និងភ្ញាក់ផ្អើល រួចទើបដឹងថា ជាសពមនុស្សនៅក្នុងបឹង ។ យ៉ាងណាក៏ ដោយគេមិនទាន់ដឹងថា ជនរងគ្រោះមាន ឈ្មោះ និងរស់នៅទីកន្លែងណានោះឡើយ ព្រមទាំងមូលហេតុពិតប្រាកដ នៃការស្លាប់ ប៉ុន្ដែ បច្ចុប្បន្នសពជនរងគ្រោះត្រូវបាន សមត្ថកិច្ចមូលដ្ឋាន និងសមត្ថកិច្ចជំនាញចុះ ទៅពិនិត្យសព ៕

ពីៈ ដើមអម្ពិល