គ្រោះថ្នាក់ចរាចរណ៍ ថ្ងៃទី១១ មេសា មនុស្សស្លាប់ ៦នាក់ និងរបួសធ្ងន់ស្រាល ២៥នាក់

ភ្នំពេញ៖ ថ្ងៃទី១១ ខែមេសា ឆ្នាំ២០១៣ មានគ្រោះថ្នាក់ ចរាចរណ៍កើតឡើង នៅទូទាំងប្រទេស ១៣លើក (យប់ ០៨លើក), បណ្តាលឲ្យមនុស្សស្លាប់ ០៦នាក់ (ស្រី ០៣នាក់), របួសធ្ងន់ ១៤នាក់ (ស្រី ០៥នាក់) និងរបួសស្រាល ១១ នាក់ (ស្រី០៤នាក់)។
គេហទំព័ររបស់អគ្គស្នងការដ្ឋាន នគរបាលជាតិបានឲ្យដឹងថា គ្រោះថ្នាក់ចរាចរណ៍ទាំង ១៣លើក បានបង្កឲ្យ ខូចខាត យានយន្តសរុប ១៩គ្រឿង ក្នុងនោះម៉ូតូ ១១គ្រឿង, រថយន្តធុនតូច ០៧គ្រឿង, យាន្តផ្សេងៗ ០១គ្រឿង ។ ប្រភពខាងលើឲ្យដឹងបន្តទៀតថា មូលហេតុ បណ្តាលមកពីលើសល្បឿន ០៧លើក, មិនគោរពសិទ្ធិ ០១លើក, ប្រជែងគ្រោះថ្នាក់ ០១លើក, ស្រវឹង ០២លើក និងកត្តាផ្សេងៗ ០២លើក ក្នុងនោះគ្រោះថ្នាក់ជិះម៉ូតូ មិនពាក់មួក សុវត្ថិភាព ០៩ នាក់ (យប់ ០៥នាក់)។
ចំពោះរថយន្តដែលទទួលរងការផាក ពិន័យនៅអង្គភាព នៅថ្ងៃទី១១ ខែមេសា ឆ្នាំ២០១៣នេះ មានចំនួន ៨៥ គ្រឿង គឺ រថយន្តទេសចរណ៍ ១០គ្រឿង, រថយន្តដឹកអ្នកដំណើរធុនតូច ៥០គ្រឿង, រថយន្តដឹកអ្នកដំណើរធុនតូច ០៤គ្រឿង, រថយន្តដឹកទំនិញធុនតូច ១៨គ្រឿង និង រថយន្តដឹកទំនិញធុនធំ ០៣គ្រឿង ។
រថយន្តទាំងអស់ខាងលើបានបង់ប្រាក់ពិន័យរួចរាល់ នៅអធិការដ្ឋាននគរបាល ស្រុក/ខណ្ឌ ១០គ្រឿង, និង នៅស្នង ការដ្ឋាន នគរបាល រាជធានី/ខេត្ត ៧៥គ្រឿង ៕