សមត្ថកិច្ចបានឲ្យដឹងថា កាលពីរសៀលថ្ងៃទី១៧ ខែមេសា គេឃើញមានជនជាតិវៀតណាមចំនួន៤នាក់ ដោយខ្លះវាយស្គរ ខ្លះលោតមុងសាយពាក់មុខថ្លុក ធ្វើជាតាកំប៉ោងដើរលោតតាមផ្លូវ និងតាមផ្សារ ដើម្បីរៃអង្គាសប្រាក់ ក្រោយមកប្រជាពលរដ្ឋបានរាយការណ៍ប្រាប់សមត្ថកិច្ចឲ្យចុះទៅឃាត់ខ្លួន បានចំនួន៣នាក់ រត់រួចម្នាក់ដើម្បីយកមកសាកសួរ រួចហើយក៏បញ្ជូនទៅអធិការខណ្ឌឫស្សីកែវ។
ជនជាតិ វៀតណាមទាំង៣នាក់នោះទី១- ឈ្មោះ លីយូហ្វុង ភេទប្រុស អាយុ៣៦ឆ្នាំមានស្រុកកំណើតភូមិផុងដៀង ឃុំតាំហ្វុង ស្រុកកាម៉ៅ ខេត្តកាម៉ៅ ប្រទេសវៀតណាម ទី២-ឈ្មោះ កាវ យុំាងម៉ាន់ ភេទប្រុស អាយុ២១ឆ្នាំមានស្រុកកំណើតភូមិសាដេត ឃុំអាប់ឡុងវេ ខេត្តដុងផាក់ ប្រទេសវៀតណាម និងទី៣.-ឈ្មោះ ហ្វ៊ញឹកជើង ភេទប្រុស អាយុ២៨ឆ្នាំ រស់នៅភូមិភូជីង ឃុំហ្វូវីន ខេត្តហ្វតឹង វៀតណាម និងរត់រួចម្នាក់ឈ្មោះ ងា ភេទប្រុស អាយុប្រហែលជាង២៩ឆ្នាំ។
តាមការសាកសួរ ជនជាតិវៀតណាមទាំង៣នាក់នោះបានសារភាពថា ពួកគេទាំងអស់មានបក្ខពួក១០នាក់ ចែកចេញជា២ក្រុម ដោយមានស្គរធំ១ មានរទេះរុញ១គ្រឿង ភ្ជាប់ដោយទង់ជាតិខ្មែរ និងឧបករណ៍សម្រាប់លោតមុងសាយ១កំប្លេ ចំណែកក្រុមម្ខាងទៀតគឺមានដូចគ្នា ត្រូវបានឈ្មោះ រ៉ុង ភេទប្រុស ជួលក្នុង១ថ្ងៃ៨ម៉ឺនដុងស្មើនឹង១៥០០០រៀល ឲ្យធ្វើសកម្មភាពដើរលោតម៉ុងសាយ រៃអង្គាសលុយនៅមតាមផ្ទះ តាមផ្សារ ដោយបានធ្វើដំណើរពីប្រទេសវៀតណាម មកកម្ពុជានៅថ្ងៃទី១៣ ខែមេសា ឆ្នាំ២០១៣តាមច្រកបាវិតខេត្តស្វាយរៀង។
ក្រុមនេះបានធ្វើសកម្មភាពលោតមុងសាយនៅស្រុកខ្មែរចំនួន២ដង មកហើយៗ ដោយលើកនេះដេកនៅផ្ទះសំណាក់ហ្គោតឡាក់ ក្នុងសង្កាត់បឹងកេងកង២ ខណ្ឌចំការមន រាជធានីភ្នំពេញ ដោយមានស្ត្រីម្នាក់ឈ្មោះ ឌិន ធីរ៉ាន់ ជាអ្នកធានាឲ្យស្នាក់នៅព្រោះម្ចាស់ផ្ទះសំណាក់ក៏គាត់មិន អនុញ្ញាតឲ្យស្នាក់នៅដែរ តែត្រូវនារីជនជាតិវៀតណាមនោះធានាអះអាងទើបគាត់យល់ព្រមឲ្យ ស្នាក់នៅ។ ក្រុមនេះបានធ្វើសកម្មភាពលោតម៉ុងសាយដើររៃអង្គាសប្រាក់ពី ប្រជាពលរដ្ឋដោយ គ្មានសមាគមឬលិខិតឆ្លងដែនពីស្ថាប័នណាមួយឡើយទើបសមត្ថកិច្ចឃាត់ខ្លួន មក សួរនាំ៕ 
ឃាត់ខ្លួនស្ទាវវៀតណាម៣នាក់ ដែលមកលោតម៉ុងសាយតាមផ្លូវ និងតាមផ្សារក្នុងថ្ងៃបុណ្យចូលឆ្នាំខ្មែរ
ប្រភព៖ ភ្នំពេញប៉ុស្តិ៍
Posted By: