ជាមួយនឹងលទ្ធផលយ៉ាងអាណោច អាធ័មនៅក្នុងប្រទេសលីប៊ី និងប្រទេស មួយចំនួនទៀត សារព័ត៌មាន Rodong Sinmun របស់បក្សពលករកូរ៉េខាងត្បូង បានអំពាវនាវដល់ប្រជាពលរដ្ឋមិនត្រូវ ស្រមើស្រមៃទៅនឹងការសន្យារបស់ អាមេរិកនោះឡើយ ដោយបញ្ជាក់ថា មានតែគ្រាប់បែកបរមាណូឯករាជ្យប៉ុណ្ណោះ ទើបអាចការពារទីក្រុងព្យុងយ៉ាង គេចផុតពីការគំរាមកំហែងដោយបរមាណូអាមេរិក ។
សារព័ត៌មានយ៉ុនហាបរបស់កូរ៉េ ខាងត្បូងបានដកស្រងព័ត៌មានពីកូរ៉េខាង ជើងថា ការរក្សាគ្រាប់បែកបរមាណូ មានអត្ថន័យយ៉ាងធំធេងសម្រាប់កូរ៉េខាង ជើង វាអាចកំណត់ការស្លាប់រស់របស់ ប្រទេសនេះ ហើយគេចផុតការគំរាម កំហែងទាំងឡាយពីអាមេរិក ។
សារព័ត៌មាន Rodong Sinmun បានលើកឡើងឧទាហរណ៍ករណីរបស់រដ្ឋា ភិបាលអតីតប្រធានាធិបតីហ្គាដាហ្វ៉ី ក្នុងប្រទេសលីប៊ីគឺទទួលបានលទ្ធផល យ៉ាងអាណោចអាធ័មដោយសារតែបោះ បង់ការខិតខំពង្រឹងសមត្ថភាពយោធា និងបោះបង់កម្មវិធីបរមាណូតាមការ លួងលោមរបស់ទីក្រុងវ៉ាស៊ីនតោន ។
សារព័ត៌មានខាងលើផ្សព្វផ្សាយទៀតថា លីប៊ីបានបង្កើតគម្រោងបរមាណូ និងផលិតកាំជ្រួចមីស៊ីលរយៈចម្ងាយ ឆ្ងាយដែលអាចបំពាក់ក្បាលគ្រាប់បរមា ណូ ប៉ុន្ដែក្រោយសង្គ្រាមវាយប្រហារ អ៊ីរ៉ាក់របស់អាមេរិកឆ្នាំ២០០៣ លីប៊ី បានប្រកាសលុបចោលកម្មវិធីបរមាណូ របស់ខ្លួន ។ ពេលនោះលីប៊ីខ្លាចប្រឆាំង អាមេរិកនឹងទទួលលទ្ធផលដូចជាអ៊ីរ៉ាក់។ បណ្ដាមេដឹកនាំទីក្រុងទ្រីបូលីរបស់លីប៊ី មិនហ៊ានអភិវឌ្ឍកម្លាំងយោធារបស់ខ្លួន ដោយយល់ព្រមបោះបង់កម្មវិធីបរមាណូ ដើម្បីទទួលបានសន្ដិសុខជាតិ ។
ទោះបីលីប៊ីឯកភាពបោះបង់កម្មវិធី បរមាណូរបស់ខ្លួន ប៉ុន្ដែអាមេរិកមិន បានរក្សាពាក្យសន្យាជួយដល់ប្រទេសនេះ អភិវឌ្ឍន៍សេដ្ឋកិច្ចនោះឡើយ ផ្ទុយទៅ វិញ អាមេរិកមានគម្រោងផ្ដួលរំលំរបប ដឹកនាំរបស់លោកហ្គាដាហ្វ៉ីទៀតផង ។ ពិសេសក្នុងពេលដែលមន្ដ្រីជាន់ខ្ពស់លីប៊ី ដឹងថា អាមេរិកមិនរក្សាពាក្យសន្យា វាបានហួសពេលទៅហើយ ។
ជាមួយនឹងលទ្ធផលដែលទទួលបាន យ៉ាងអាណោចអាធ័មទាំងនោះ សារព័ត៌ មាន Rodong Sinmun របស់កូរ៉េខាង ជើងបានអំពាវនាវដល់ប្រជាពលរដ្ឋកូរ៉េ ខាងជើងទាំងមូលមិនត្រូវស្រមើស្រមៃ ចង់មានចង់បានតាមការសន្យារបស់ អាមេរិកនោះឡើយ ។ ចាំបាច់ត្រូវតែ ពង្រឹងកម្លាំងការពារគ្រាប់បែកបរមាណូ ទើបអាចការពារកូរ៉េខាងជើងគេចផុតពី ការគំរាមកំហែងរបស់អាមេរិក ។
នៅក្នុងកិច្ចប្រជុំគណៈកម្មាធិការដឹក នាំបក្សពលករកូរ៉េខាងជើងកាលពីថ្ងៃទី ៣១ ខែមីនាកន្លងមក មេដឹកនាំវ័យក្មេង កូរ៉េខាងជើង លោកគីម ជុងអ៊ុន បញ្ជាក់ថា រដ្ឋាភិបាលទីក្រុងព្យុងយ៉ាងមិនអាច ដើរតាម“គន្លងចាស់”នៃប្រទេសមួយ ចំនួនដែលរងការឈ្លានពានដោយសារ តែប្រទេសទាំងនោះគ្មានកម្លាំងការពារគ្រប់គ្រាន់ ។
អ្វីដែលកូរ៉េខាងជើងកំពុងតែធ្វើនៅ ពេលនេះ គឺមិនចង់ធ្លាក់ទៅក្នុងគន្លងនៃ ប្រទេសលីប៊ីនោះឡើយ ហើយកូរ៉េខាង ជើងគ្មានទំនុកចិត្ដទៅនឹងការសន្យារបស់ អាមេរិកទៀតឡើយ ដូច្នេះមានតែខ្លួន ឯងប៉ុណ្ណោះ ដែលអាចការពារ និងអភិវឌ្ឍ ខ្លួនឯងបាន គេចផុតពីការគំរាមកំហែង ឌឺដងពីប្រទេសដែលជាបច្ចាមិត្ដ ។
អាមេរិកមិនទទួលយកលក្ខខណ្ឌពិភាក្សារបស់កូរ៉េខាងជើង
រដ្ឋាភិបាលទីក្រុងវ៉ាស៊ីនតោន នឹងមិនអនុញ្ញាតឱ្យទីក្រុងព្យុងយ៉ាង“លេង ល្បែងហ្គេមតាមតែចិត្ដ” បាននោះ ឡើយ ពោលគឺទទួលបានជំនួយមនុស្ស ធម៌ ប៉ុន្ដែមិនព្រមអនុវត្ដគោលនយោ បាយណាមួយឆ្ពោះទៅរកការលុបចោល កម្មវិធីបរមាណូរបស់ខ្លួន ។
សារព័ត៌មានយ៉ុនហាប់របស់កូរ៉េ ខាងត្បូង កាលពីថ្ងៃទី១០ ខែមេសាបាន ដកស្រង់សម្ដីរដ្ឋមន្ដ្រីការបរទេស អាមេរិក លោកចន ឃើរី ដែលបាន ច្រានចោលការប្ដេជ្ញា និងលក្ខខណ្ឌ របស់កូរ៉េខាងជើងបានលើកឡើងមុន ពេលពិភាក្សា ដោយលោកចាត់ទុកថា នោះជាលក្ខខណ្ឌមិនអាចទទួលយកបាន។
លោកចន ឃើរី មានប្រសាសន៍ទៅ កាន់រដ្ឋសភាអាមេរិកថា “ទីក្រុងវ៉ាស៊ីន តោនមិនអនុញ្ញាតឱ្យកូរ៉េខាងជើងលេង ល្បែងបិទពួនទៀតឡើយ គឺទទួលបានជំនួយ ប៉ុន្ដែមិនអនុវត្ដទៅតាមគម្រោង។
ប៉ុន្ដែលោក ចន ឃើរី បានបញ្ជាក់ថា សកម្មភាពចង់ពិភាក្សារបស់កូរ៉េខាង ជើងជារឿងមួយល្អប្រសើរ ក្រោយពេល ទីក្រុងព្យុងយ៉ាងគំរាមកំហែងជាច្រើន លើកកម្ទេចទីតាំងនានារបស់អាមេរិក និងកូរ៉េខាងត្បូង ។
នៅក្នុងសេចក្ដីប្រកាសកាលពីថ្ងៃទី១៨ ខែមេសា កូរ៉េខាងជើងដែលចង់ ពិភាក្សាមុនពេលអង្គការសហប្រជា ជាតិលុបចោលការដាក់ទណ្ឌកម្ម ហើយ អាមេរិក កូរ៉េខាងត្បូង ក៏ត្រូវបញ្ចប់ សកម្មភាពធ្វើសមយុទ្ធ និងសុំទោសកូរ៉េខាងជើង ជុំវិញសកម្មភាពឌឺដង បំពានទៅលើថ្នាក់ដឹកនាំកូរ៉េខាងជើង និងគំរាមកំហែងធ្វើសង្គ្រាមនោះ ។
លោកចន ឃើរី បញ្ជាក់ទៀតថា ទីក្រុងព្យុងយ៉ាងមិនរក្សាពាក្យសន្យានោះឡើយ គឺរាល់ពេលទទួលបានការឯកភាពគ្នា និងក្រោយពេលទទួលបានជំនួយ មនុស្សធម៌ កូរ៉េខាងជើងក៏បំភ្លេចការសន្យារបស់ខ្លួន ដោយបន្ដកម្មវិធីបរមាណូដដែល ។
តើអាមេរិក និងកូរ៉េខាងជើងប្រទេសណាមួយមានល្បិចកលជាងគេ? តាមការពិត ប្រទេសទាំងពីរសុទ្ធសឹងតែមាន ពុតត្បុតរៀងៗខ្លួន ។ “អាបងក៏ខូច អាប្អូនក៏ខិល” ដូច្នេះប្រទេសមហាអំណាច មិនរក្សាការសន្យា ធ្វើម្ដេចប្រទេសក្រីក្រ ដូចជាកូរ៉េខាងជើងចាំបាច់ត្រូវរក្សាការ សន្យាជាមួយអាមេរិកនោះ?
គួរបញ្ជាក់ផងដែរថាកាលពីថ្ងៃទី១៨ ខែមេសា ឆ្នាំ២០១៣ថា គណៈកម្មាធិការ ការពារជាតិរបស់ទីក្រុងព្យុងយ៉ាងបាន យល់ព្រមឈានដល់ការចរចាដើម្បីដោះ ស្រាយបញ្ហា ប៉ុន្ដែទីក្រុងវ៉ាស៊ីនតោន និង ទីក្រុងសេអ៊ូលត្រូវបញ្ឈប់រាល់សកម្មភាព បង្កហេតុរបស់ពួកគេជាមុនសិន ។
ប្រភពនេះបន្ដទៀតថា អាមេរិក និង កូរ៉េខាងត្បូងត្រូវទទួលស្គាល់ភាពគឃ្លើន របស់ពួកគេ ហើយធានាអះអាងថា នឹង មិនជ្រើសយកល្បែងសង្គ្រាមនុយក្លេអ៊ែរ ប្រឆាំងជាមួយកូរ៉េខាងជើងនោះទេ ។ ជា មួយគ្នានេះ ពួកគេត្រូវបញ្ឈប់ និងដក ចេញអាវុធនុយក្លេអ៊ែរដែលបានបំពាក់ នៅជុំវិញកូរ៉េខាងត្បូងឱ្យអស់ជាមុនសិន មុនពេលមានបំណងចង់ចរចានោះ ។
ប្រភពដើម៖ នគវត្ត
