រ៉ង់ហ្គូន៖ យោងតាម ទីភ្នាក់ងារ ព័ត៌មានចិន ស៊ិនហួ ដែលបានដកស្រង់ សម្តីរបស់ ក្រុមអាជ្ញាធរ ប្រចាំតំបន់ នៅ ថ្ងៃទី០២ ខែមេសា ឆ្នាំ២០១៣នេះថា មានក្មេងចំនួន១៣ នាក់ក្នុងចំណោមក្មេង ទាំង៧៨នាក់ បានស្លាប់ក្នុងភ្នក់ ភ្លើង ដែលបានឆាបឆេះក្នុង សាលាឥស្លាម មួយកន្លែង សង្កាត់ បូតាតុង នៃទីក្រុងរ៉ង់ហ្គូនកាលពីព្រឹក អង្គារ ថ្ងៃនេះ។
គួរបញ្ជាក់ថា អគ្គីភ័យនេះ បានកើតឡើងកាលពីវេលាម៉ោង ៣ទៀបភ្លឺ នៅពេលដែល ក្មេងៗទាំង នោះកំពុងដេក ហើយមូលហេតុវិញគឺ ដោយារការឡើងកម្តៅ និងឆ្លងចរន្ត អគ្គិសនីនៅក្នុងសាលា ឥស្លាមនោះ។ មិនទាន់មាន ព័ត៌មានអំពី កុមាររងរបួសថា មាន ប៉ុន្មាននាក់នោះទេ ៕
ប្រភពៈ ដើមអម្ពិល
