ភ្នំពេញ៖ ពិធីការិនីស្រីវ័យក្មេង មានសម្រស់ស្រស់សោភា កញ្ញា ពេជ្រ សូលីដា ហៅជីជី មួយរយៈមុននេះ គេបានដឹងថា នាងរងនូវព្យុះភ្លៀងព័ត៌មាន ទាក់ទងនឹងជីវិតស្នេហា ផ្ទាល់ខ្លួនច្រើនគួរសម មិនចាញ់តារាស្រីល្បីឯទៀតនោះទេ។ ប៉ុន្តែព្យុះភ្លៀង ដែលតែងតែបោកបក់មកលើ ពិធីការិនីស្រី ជីជី បានរលាយសាបសូន្យទៅវិញ ក្រោយពេលដែលនាងចេញមុខ បំភ្លឺឲ្យមហាជនបាន ដឹងពីការពិត។បើទោះបីជារឿងរ៉ាវមុនៗ បានរសាត់បាត់ទៅយ៉ាងណាក្តី តែនៅមានរឿងថ្មីតែចូលមកលងបន្លាច លើរូបនាងជាបន្តបន្ទាប់ដដែល។ មុននេះបន្តិច មានប្រភពព័ត៌មានមួយបានបង្ហើបប្រាប់ថា មានបុរសជាច្រើន មិនថាអ្នកមានវ័យស្របាលគ្នា ឬ មួយអ្នកមានអាយុច្រើនជាងនាងនោះទេ គឺតែងលង់វង្វេងការស្រលាញ់ មកលើស្រីស្រស់ ជីជី ជាហូហែរ។
ប្រភពពីអ្នកជិតស្និទ្ធជាមួយ ពិធីការិនីល្បីឈ្មោះគួរសម ប្រចាំស្ថានីយទូរទ្សន៍ប៉ុស្តិ៍ CTN កញ្ញា ជីជី បានបង្ហើបឲ្យដឹងថា មួយរយៈនេះគេបានដឹងថា មានបុរសៗជាច្រើន តែងព្យាយាមចូលខ្លួន ទៅជិតនិងពិធីការិនីកញ្ញា ជីជី ក្នុងបំណងរកឱកាសដើម្បីសារភាព សុំសេចក្តីស្រលាញ់ពីនាង។ ម្យ៉ាងទៀត នៅក្នុងចំណោមបុរសទាំងនោះដែរ ក៏មានបុរសម្នាក់ជាអ្នកមានទ្រព្យស្តុកស្តម្ភ ប៉ងចង់បានការស្រលាញ់ពី កញ្ញា ជីជី ផងដែរ។
ប្រភពខាងលើបានបន្តថា បុរសអ្នកមានដែលបាន ព្យាយាមតាមយ៉ាងស្អិតខិតចូលក្បែ ប្រាថ្នាចង់បានការស្រលាញ់ ជីជី នោះមានវ័យប្រមាណជាង៣០ ឆ្នាំ។ បើនិយាយពីរឫកពារគេវិញ មើលទៅជាអ្នកដែលមានទ្រព្យសម្បត្តិ ច្រើនហូរហៀនៅក្នុងស្រុកម្នាក់ផងដែរ។
ទាក់ទងព័ត៌មាននេះ Looking TODAY មិនទាន់អាចទាក់ទងសុំការ បំភ្លឺពីពិធីការិនីរូបស្រស់ស្អាត កញ្ញា ជីជី បានទេនៅថ្ងៃនេះ។ ដូច្នេះគេហទំព័រ LookingTODAY នឹងព្យាយាមទាក់ទងធ្វើការ សាកសួរពីរឿងនេះបន្ថែម ដើម្បីឲ្យមហាជន បានដឹងពីការពិត៕
ប្រភពៈ Looking Today
