ព្រឹកថ្ងៃទី១៥ខែមេសា តម្លៃមាសបានធ្លាក់ចុះយ៉ាងខ្លាំងនៅទីផ្សារអាស៊ី។ នៅទីផ្សាហុងកុង ថ្លៃមាសថយចុះ៧០,១ដុល្លាអាមេរិក/អោន(Ounce)ពោលគឺធ្លាក់ដល់១.៤៩៨,១៩ដុល្លាអាមេរិក/អោន។នៅទីផ្សាតូក្យូថ្លៃមាសគឺ១.៤៩២,៦០ដុល្លាអាមេរិក/អោននៅពេលបើកទ្វារជួញដូរ។ ថ្លៃមាសបានធ្លាក់ចុះដល់កំរិតទាបបំផុត គិតតាំងពីខែកក្កដាឆ្នាំ២០១១មក ហើយបានឆ្លងផុតកំរិត១.៥០០ដុល្លាអាមេរិក/អោន កាលពីពេលបើកទ្វារលក់ដូរកាលពីថ្ងៃសុក្រមុន មូលហេតុគឺអាស្រ័យដោយប្រាក់ដុល្លាខ្លាំងឡើងវិញ ព្រមជាមួយនឹងសេចក្តីព្រាងផែនការអំពីប្រទេសស៊ីពត្រូវលក់មាសក្នុងឃ្លាំងបម្រុងទុករបស់ជាតិដើម្បីចំណាយទៅឲ្យកញ្ចប់ប្រាក់ឧបត្ថម្ភសង្គ្រោះ៕
