ប្រព័ន្ធផ្សព្វផ្សាយរដ្ឋបានរាយការណ៍កាលពីថ្ងៃអាទិត្យថាមនុស្ស២នាក់ទៀតបានស្លាប់ដោយជម្ងឺផ្តាសាយបក្សីថ្មីនៅចិន ជាហេតុនាំអោយចំនួនមនុស្សស្លាប់ពីវីរុស្សH7N9នៅចិនកើនដល់១៣នាក់។ ទីភ្នាក់ងារសារព័ត៌មានផ្លូវការស៊ីនហួរបាននិយាយថាមនុស្សស្លាប់២នាក់ទៀតត្រូវបានរាយការណ៍នៅក្រុងសៀងហៃនិងថាករណីឆ្លងថ្មី៣ទៀតក៏ត្រូវបានអះអាងផងដែរនៅក្នុងមជ្ឈមណ្ឌលហិរញ្ញវត្ថុរបស់ចិនមួយនេះ។ សរុបករណីឆ្លងថ្មី១១ត្រូវបានរាយការណ៍កាលពីថ្ងៃអាទិត្យ រួមមាន២ករណីនៅខេត្តភាគកណ្តាលមួយ ដែលពីមុនមិនមានករណីឆ្លងជំងឺនេះសោះ។ មនុស្សសរុប៦០នាក់ត្រូវបានគេដឹងថាបានឆ្លងវីរុស្សH7N9នេះនៅចិន៕
