អ្នកចម្រៀងប្រុស ដែលនិយមលេងម៉ូដសក់ជ្រងឡើងទៅលើ ដែលធ្វើឱ្យយុវវ័យ និងកុមារមួយចំនួនមានការចាប់អារម្មណ៍ ហើយធ្វើម៉ូដសក់តាមតារានោះ គឺលោក ខាន់ ជែមស៍។ ចាប់តាំងពីបានផ្លាស់ចូលទ្រនំថ្មី នៅក្នុងផលិតកម្មសាន់ដេ នោះមកត្រូវបានគេមើលឃើញថា ប្រជាប្រិយភាពរបស់លោកចាប់ផ្ដើមងើបឡើងវិញ តាមរយៈបទចម្រៀងចេញថ្មីៗជាបន្ទាប់ពីស្ងប់ស្ងាត់មួយរយៈ។
ក្នុងពេលដែល ខាន់ ជែមស៍ កំពុងតែសប្បាយរីករាយ និងកិច្ចការងារនេះ ក៏មានការលេចឪថា លោក និងភរិយាកំពុងមានការប្រេះឆា ហើយចែកផ្លូវគ្នាដោយស្ងាត់ៗ ប៉ុន្តែនៅពេលបានសាកសួរពីរឿងនេះលោកបានបដិសេធ និងប្រាប់មកវិញថា ជាព័ត៌មានមិនពិតឡើយ ដែលល្បីថារូបលោកបានបែកបាក់គ្នានោះ ព្រោះលោក និងភរិយាមានការកម្សត់កម្រ និងមានអនុស្សាវរីយ៍ជាមួយគ្នាច្រើនណាស់ ហេតុនេះមិនអាចដល់ត្រើយសើយគូទឡើយ។ លោកបានអះអាងថា "គ្មានការបែកបាក់គ្នានោះទេ"។
សូមបញ្ជាក់ថា លោក ខាន់ ជែមស៍ អតីតជាអ្នកចម្រៀងក្នុងផលិតកម្មរ៉ុក ដែលបានចូលប្រឡូកក្នុងវិស័យសិល្បៈនេះចាប់តាំងពីឆ្នាំ ២០០៧ និងត្រូវបានគេចាប់អារម្មណ៍ស្គាល់តាមរយៈបទ ”ស្ដាយក្រោយ” “សម្រែកបេះដូង” “របាំចង់ស្នេហ៍” និង បទ”បុប្ផាក្រពុំ”។ ក្រោយមកក៏ស្ងប់ស្ងាត់បាត់មុខមួយរយៈទើបមានព័ត៌មានថា លោកបានចូលច្រៀងឱ្យផលិតកម្មសាន់ដេវិញនាពេលនេះ៕
ប្រភពៈ I-NEWSKH
