ព្រំដែនកម្ពុជា-ថៃ: ពលករខ្មែរធ្វើការស៊ីឈ្នួលនៅប្រទេសថៃ រាប់រយពាន់នាក់ ក្នុង១ថ្ងៃៗ បានសំរុកវិលមកប្រទេសកម្ពុជាវិញ ដើម្បីចូលរួមទទួលទេវតាឆ្នាំថ្មី ឆ្នាំម្សាញ់ បញ្ចស័ក ពុទ្ធសករាជ ២៥៥៧ តាមច្រកព្រំដែនស្របច្បាប់។ ចំណែកពលរដ្ឋមួយចំនួនទៀត បានឆ្លងមកតាមច្រករបៀង ដែលជាច្រកខុសច្បាប់នៅព្រំដែន។
ជាមួយការវិលត្រឡប់មក ស្រុកកំណើត ដើម្បីជួបជុំក្រុមគ្រួសារ កាលពីម៉ោងជិត ៤ទៀបភ្លឺ ថ្ងៃទី១១ ខែមេសាឆ្នាំ២០១៣នេះ រថយន្តក្រុងដែលមានពលករខ្មែរជិះដែរ បានបុកនឹងរថយន្តដឹកប្រេងលើផ្លូវជាតិ ចន្លោះខេត្តប្រាជីនបូរី និងខេត្តស្រះកែវ បណ្ដាលអោយពលករខ្មែរ ៦នាក់ ស្លាប់ និងជាង ១០នាក់ទៀត រងរបួសធ្ងន់។
ប្រភពព័ត៌មាន ប្រាប់គេហទំព័រ CEN នៅព្រលប់ថ្ងៃទី១១ មេសាថា ពលករខ្មែរ ទោះមានលិខិតឆ្លងដែន ឬអត់ ពេលជិះឡានក្នុងទឹកដីថៃ កងកម្លាំងថៃ បានបន្ធូរបន្ថយការត្រួតពិនិត្យ ព្រោះពួកគេចេញពីប្រទេសថៃដោយគ្រាន់តែតម្រូវ អោយពលករម្នាក់បង់ថ្លៃ ២០០បាត នឹងអោយចេញភ្លាមៗ។ ប៉ុន្តែដល់ព្រំដែន ពលករខ្មែរត្រូវប្រមូលលុយ គឺម្នាក់ៗ ២០០បាត បង់អោយទាហានឈុតខ្មៅថៃនោះ ពួកគេនឹងឆ្លងដែនបាន។
ប្រភពបន្តថា ពលករខ្មែរ ពេលឆ្លងដែនចូលកម្ពុជាតាមច្រករបៀង ត្រូវបង់អោយនគរបាលព្រំដែន៩១១ ម្នាក់ៗ ២០០បាត និងបង់ថ្លៃជិះម៉ូតូពីច្រករបៀង មកជិះឡានម្នាក់ៗ ១០០បាតទៀត។
ពលករខ្មែរ បើមកតាមច្រកទ្វារព្រំដែនអន្តរជាតិខ្លងលឹក-ប៉ោយប៉ែត ក៏បង់អោយទាហាន និងប៉ូលិសថៃ និងបង់អោយនគរបាលប៉ុស្តិ៍ច្រកទ្វារព្រំដែនប៉ោយប៉ែតរបស់កម្ពុជា ដូចគ្នា។
រថយន្តទួរីស និងរថយន្តក្រុង ក៏សម្រុកដឹកពលករខ្មែរទាំងយប់ទាំងថ្ងៃ ដែលការប្រញាប់ប្រញាល់ បកត្រឡប់ទៅដឹកមនុស្សវិញនោះ ហើយដោយការបើកបរលឿន ឬក៏ខ្វះការប្រុងប្រយ័ត្នថែមទៀត ទើបវាបណ្ដាលឲ្យកើតមានគ្រោះ ថ្នាក់ចរាចរ៕
ប្រភព everyday.com.kh
ជាមួយការវិលត្រឡប់មក ស្រុកកំណើត ដើម្បីជួបជុំក្រុមគ្រួសារ កាលពីម៉ោងជិត ៤ទៀបភ្លឺ ថ្ងៃទី១១ ខែមេសាឆ្នាំ២០១៣នេះ រថយន្តក្រុងដែលមានពលករខ្មែរជិះដែរ បានបុកនឹងរថយន្តដឹកប្រេងលើផ្លូវជាតិ ចន្លោះខេត្តប្រាជីនបូរី និងខេត្តស្រះកែវ បណ្ដាលអោយពលករខ្មែរ ៦នាក់ ស្លាប់ និងជាង ១០នាក់ទៀត រងរបួសធ្ងន់។
ប្រភពព័ត៌មាន ប្រាប់គេហទំព័រ CEN នៅព្រលប់ថ្ងៃទី១១ មេសាថា ពលករខ្មែរ ទោះមានលិខិតឆ្លងដែន ឬអត់ ពេលជិះឡានក្នុងទឹកដីថៃ កងកម្លាំងថៃ បានបន្ធូរបន្ថយការត្រួតពិនិត្យ ព្រោះពួកគេចេញពីប្រទេសថៃដោយគ្រាន់តែតម្រូវ អោយពលករម្នាក់បង់ថ្លៃ ២០០បាត នឹងអោយចេញភ្លាមៗ។ ប៉ុន្តែដល់ព្រំដែន ពលករខ្មែរត្រូវប្រមូលលុយ គឺម្នាក់ៗ ២០០បាត បង់អោយទាហានឈុតខ្មៅថៃនោះ ពួកគេនឹងឆ្លងដែនបាន។
ប្រភពបន្តថា ពលករខ្មែរ ពេលឆ្លងដែនចូលកម្ពុជាតាមច្រករបៀង ត្រូវបង់អោយនគរបាលព្រំដែន៩១១ ម្នាក់ៗ ២០០បាត និងបង់ថ្លៃជិះម៉ូតូពីច្រករបៀង មកជិះឡានម្នាក់ៗ ១០០បាតទៀត។
ពលករខ្មែរ បើមកតាមច្រកទ្វារព្រំដែនអន្តរជាតិខ្លងលឹក-ប៉ោយប៉ែត ក៏បង់អោយទាហាន និងប៉ូលិសថៃ និងបង់អោយនគរបាលប៉ុស្តិ៍ច្រកទ្វារព្រំដែនប៉ោយប៉ែតរបស់កម្ពុជា ដូចគ្នា។
រថយន្តទួរីស និងរថយន្តក្រុង ក៏សម្រុកដឹកពលករខ្មែរទាំងយប់ទាំងថ្ងៃ ដែលការប្រញាប់ប្រញាល់ បកត្រឡប់ទៅដឹកមនុស្សវិញនោះ ហើយដោយការបើកបរលឿន ឬក៏ខ្វះការប្រុងប្រយ័ត្នថែមទៀត ទើបវាបណ្ដាលឲ្យកើតមានគ្រោះ ថ្នាក់ចរាចរ៕
ប្រភព everyday.com.kh
