ភ្នំពេញ: សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីភាព ក្នុងពិធីបើកការដ្ឋានសាងសង់ សំណង់ពហុកីឡាដ្ឋានជាតិ មរតកតេជោ ដែលជាពហុកីឡាដ្ឋានធំទំនើបលំដាប់ខ្នាតអន្តរជាតិមួយ មានតម្លៃជិត ៣៩ លានដុល្លារអាមេរិក ដែលត្រូវប្រើរយៈពេលសាងសង់ ៩ ឆ្នាំ ដោយចាប់ផ្តើមនៅព្រឹកថ្ងៃទី១២ ខែមេសា ឆ្នាំ២០១៣នេះតទៅ។
សំណង់ពហុកីឡាដ្ឋានជាតិមរតកតេជោ ដែលជាពហុកីឡាដ្ឋានថ្មីនេះ មានទីតាំងស្ថិតក្នុងសង្កាត់បាក់ខែង ខណ្ឌឬស្សីកែវ លើទំហំផ្ទៃដីជាង ៨៥ ហិកតា ក្នុងតំបន់អភិវឌ្ឍន៏របស់ លោកឧកញ៉ា លី យ៉ុងផាត ដែលមានហេដ្ឋារចនាសម្ព័ន្ធស្រាប់។ សំណង់ពហុកីឡាដ្ឋានជាតិ មរតកតេជោ នឹងត្រូវសាងសង់ជា ៣ ដំណាក់កាល៖
ដំណាក់កាលទី១ មានរយៈពេលសាងសង់ ៣២ ខែ មានមណ្ឌលកីឡាក្នុងសាលទំហំ ៨៥ ម៉ែត្រ គុណនឹង ១២៥ ម៉ែត្រ កម្ពស់ ២៩ ម៉ែត្រ។ មណ្ឌលកីឡាហែលទឹកទំហំ ៨១ ម៉ែត្រ គុណនឹង ១២៩ ម៉ែត្រ កំពស់ ៣០ ម៉ែត្រ។ សាលហាត់កីឡាប្រយុទ្ធ ទំហំ ២០ ម៉ែត្រ គុណ ៤០ ម៉ែត្រ កំពស់ ១៣ ម៉ែត្រ។ អគារស្នាក់នៅ អាហារដ្ឋានទំហំ ៤៤ ម៉ែត្រ គុណ ៥២ ម៉ែត្រ កំពស់ ១២ ម៉ែត្រ និងទីលានហ្វឹកហាត់ក្រៅអគារ។
ដំណាក់កាលទី២ ប្រើរយៈពេល ៣៦ខែ កីឡាដ្ឋាន ដែលអាចទទួលទស្សនិកជនប្រមាណជាង ៧ ម៉ឺននាក់។
ដំណាក់កាលទី៣ ប្រើរយៈពេល ៤០ ខែ មានសាលវេជ្ជសាស្ត្រ វិទ្យាសាស្ត្រកីឡា និងសាលហាត់សាច់ ដុំ សាលកាយសម្ព័ន្ធ សាលកីឡាបាញ់កាំភ្លើង មជ្ឈមណ្ឌលកីឡាហុកគី និង សាលកីឡាប្រពៃណី។
បើពិនិត្យរយៈពេល សាងសង់ នឹងចប់សព្វគ្រប់នៅក្នុងឆ្នាំ ២០២២ គឺមុនមួយឆ្នាំ ដែលកម្ពុជាធ្វើជាម្ចាស់ផ្ទះ រៀបចំកីឡា SEA GAME នៅឆ្នាំ ២០២៣ ខាងមុខ។ ជាមួយការបើកការដ្ឋានសំណង់ពហុកីឡដ្ឋានជាតិមរតកតេជោ ក៏មានការបើកការដ្ឋានសាងសង់ កន្លែងវាយហ្គោល ហ្គាឌិនស៊ីធី ភ្នំពេញ លំដាប់ថ្នាក់ពិភពលោក ដែលលាតសន្ធឹងលើផ្ទៃដីជាង ២៤០ អា តែមិនរួមបញ្ចូលសណ្ឋាគារ និងអគារផ្សេងៗទៀតទេ ហើយមានទីតាំងចំងាយ ១៥ គីឡូម៉ែត្រ ពីទិសឦសាន្ត នៃទីក្រុងភ្នំពេញ៕
ប្រភព everyday.com.kh
សំណង់ពហុកីឡាដ្ឋានជាតិមរតកតេជោ ដែលជាពហុកីឡាដ្ឋានថ្មីនេះ មានទីតាំងស្ថិតក្នុងសង្កាត់បាក់ខែង ខណ្ឌឬស្សីកែវ លើទំហំផ្ទៃដីជាង ៨៥ ហិកតា ក្នុងតំបន់អភិវឌ្ឍន៏របស់ លោកឧកញ៉ា លី យ៉ុងផាត ដែលមានហេដ្ឋារចនាសម្ព័ន្ធស្រាប់។ សំណង់ពហុកីឡាដ្ឋានជាតិ មរតកតេជោ នឹងត្រូវសាងសង់ជា ៣ ដំណាក់កាល៖
ដំណាក់កាលទី១ មានរយៈពេលសាងសង់ ៣២ ខែ មានមណ្ឌលកីឡាក្នុងសាលទំហំ ៨៥ ម៉ែត្រ គុណនឹង ១២៥ ម៉ែត្រ កម្ពស់ ២៩ ម៉ែត្រ។ មណ្ឌលកីឡាហែលទឹកទំហំ ៨១ ម៉ែត្រ គុណនឹង ១២៩ ម៉ែត្រ កំពស់ ៣០ ម៉ែត្រ។ សាលហាត់កីឡាប្រយុទ្ធ ទំហំ ២០ ម៉ែត្រ គុណ ៤០ ម៉ែត្រ កំពស់ ១៣ ម៉ែត្រ។ អគារស្នាក់នៅ អាហារដ្ឋានទំហំ ៤៤ ម៉ែត្រ គុណ ៥២ ម៉ែត្រ កំពស់ ១២ ម៉ែត្រ និងទីលានហ្វឹកហាត់ក្រៅអគារ។
ដំណាក់កាលទី២ ប្រើរយៈពេល ៣៦ខែ កីឡាដ្ឋាន ដែលអាចទទួលទស្សនិកជនប្រមាណជាង ៧ ម៉ឺននាក់។
ដំណាក់កាលទី៣ ប្រើរយៈពេល ៤០ ខែ មានសាលវេជ្ជសាស្ត្រ វិទ្យាសាស្ត្រកីឡា និងសាលហាត់សាច់ ដុំ សាលកាយសម្ព័ន្ធ សាលកីឡាបាញ់កាំភ្លើង មជ្ឈមណ្ឌលកីឡាហុកគី និង សាលកីឡាប្រពៃណី។
បើពិនិត្យរយៈពេល សាងសង់ នឹងចប់សព្វគ្រប់នៅក្នុងឆ្នាំ ២០២២ គឺមុនមួយឆ្នាំ ដែលកម្ពុជាធ្វើជាម្ចាស់ផ្ទះ រៀបចំកីឡា SEA GAME នៅឆ្នាំ ២០២៣ ខាងមុខ។ ជាមួយការបើកការដ្ឋានសំណង់ពហុកីឡដ្ឋានជាតិមរតកតេជោ ក៏មានការបើកការដ្ឋានសាងសង់ កន្លែងវាយហ្គោល ហ្គាឌិនស៊ីធី ភ្នំពេញ លំដាប់ថ្នាក់ពិភពលោក ដែលលាតសន្ធឹងលើផ្ទៃដីជាង ២៤០ អា តែមិនរួមបញ្ចូលសណ្ឋាគារ និងអគារផ្សេងៗទៀតទេ ហើយមានទីតាំងចំងាយ ១៥ គីឡូម៉ែត្រ ពីទិសឦសាន្ត នៃទីក្រុងភ្នំពេញ៕
ប្រភព everyday.com.kh
