ខណៈពេលដែលយុវវ័យកម្ពុជាកំពុងតែចាប់យកនូវភាពស៊ីវីល័យដ៏ សម្បូរបែបទាំងសម្ភារនិងការតុបតែងខ្លួនសម្លៀកបំពាក់ក៏ជាគ្រឿង លម្អមិនអាចខ្វះបានមួយដែរ។
នាពេលបច្ចុប្បន្នយើងសង្កេតឃើញថា យុវតីមួយចំនួនចូលចិត្ដស្លៀកពាក់អាវឬរ៉ូបឆ្លុះសាច់ដែលពួកគេ ទូលាយដៃក្នុងការបង្ហាញសាច់សខ្ចីរបស់ខ្លួន។
ជាក់ស្ដែង កញ្ញា ស៊ុន សុម៉ាលី ដែលចូលចិត្ដស្លៀកពាក់អាវម៉ូដថ្មីៗបានប្រាប់ពីចំណាប់អារម្មណ៍ ចំពោះសម្លៀកបំពាក់ថា៖ «ដោយសារតែខ្ញុំជាយុវវ័យ ខ្ញុំតែងតែចង់ស្លៀកពាក់បែបទាន់សម័យនិងប្លែកៗ។ នៅពេលដែលខ្ញុំស្លៀកបំពាក់ខោអាវប្រភេទឆ្លុះសាច់នេះខ្ញុំគិតថា ខ្ញុំជាមនុស្សគួរឲ្យទាក់ទាញសិចស៊ីទាន់សម័យនិងស្រស់ស្អាតជា ពិសេសវាជួយលើកសម្បុរស្បែករបស់ខ្ញុំថែមទៀតផង»។
មិនតែប៉ុណ្ណោះកញ្ញាវ័យ១៨ឆ្នាំរូបនេះ បានបន្ថែមថា អ្វីដែលកាន់អស្ចារ្យថែមទៀតនោះ គឺអាវស្បៃឬអាវឆ្លុះសាច់នេះ មានតម្លៃសមរម្យដែលស័ក្ដិសមទៅនឹងលទ្ធភាពរបស់កញ្ញា៕
